Die Vortanzgruppe

A junge Gruppe mit muats fesche Leut,
oll toans gern tounzn,
weils eana mocht a große Freid.

Ob Burschn, ob Madln,
olle sans mit vü Elan mit dabei,
und oft hobn’s uns schon zoagt,
wos drauf hobn bei eana Tounzerei.

Angfangen von Wolza und Polka
bis zum Robnstoana hin,
aber deis is nou loung net olls,
wos sei hobn in eanan Programm drin.

Vüle Leut‘ hobns schon begeistert
durch eanare aufgführtn Tanzl,
und so nebenbei werden a nou
fleißig gsungen so manche Gstanzl.

Jo, mit kurzen Worten is nun die Vortounzgruppn wordn beschriebn,
und ma hofft, sie bleibt jetzt a in Eurer Erinnerung drin.

Ein paar Eindrücke …